काठमाडौं । नेपाली सेयर बजारको कान्छो खर्बपति कम्पनी नेपाल इन्फ्रस्ट्रक्चर बैंकको सेयर मूल्यमा लगातार छैटौं दिन पोजेटिभ सर्किट अर्थात् १० प्रतिशतले बढेको छ ।
गत आइतबारबाट कारोबारमा आएको बैंकको सेयरमा यस साता पनि निरन्तर सर्किट लागेको छ । सो दिन प्रतिकित्ता ३४० रुपैयाँमा कारोबार खुलेको बैंकको सेयर ६ कारोबार दिनमै करिब दोब्बर भएको छ ।
६ कारोबार दिनमा बैंकको सेयर मूल्य प्रतिकित्ता २६० रुपैयाँले बढेको छ । नेप्सेमा ८ करोड कित्ता साधरण सेयर रहेको बैंकको हालसम्म करिब ३० लाख कित्ता सेयर कारोबारमा आएको छ ।
यस्तै, साढे १४ लाख सेयरधनी रहेको बैंकको हालसम्म करिब ४० हजारले मात्र सेयर विक्री गरेका छन् । आपूर्तिको तुलनामा दशौं गुणा बढी माग रहेकाले अझै केही दिन बैंकको सेयर मूल्य सम्भावना देखिन्छ ।
बैंकले कारोबारमा आएको ५ दिनमै खर्बपति क्लबमा प्रवेश गरेर सबैभन्दा छिटो बजार पूँजीकरण १ खर्ब बढी पुर्याउने रेकर्ड बनाएके थियो ।
बैंकले माघ २ गतेदेखि नेपाली सेयर बजार इतिहासकै ठूलो ८ अर्ब रुपैयाँ बराबरको ८ करोड कित्ता आइपीओ विक्रीमा ल्याएको थियो । जसमा साढे १४ लाखले सेयर हात पारेका थिए ।
