काठमाडौं । पछिल्लो समय शाखा सञ्जाल विस्तारमा आक्रमक बन्दै गएको प्रभु बैंक लिमिटेडले दुई वटा नयाँ शाखा संचालनमा ल्याएको छ । बैंकले डोल्पाको शे–फोकसुण्डो गाउँपालिका र तनहुँको बन्दीपूर गाउँपालिकामा नयाँ शाखा संचालनमा ल्याएको छ ।
बैंकको शे–फोकसुण्डो शाखा कार्यालयको गाउँपालिकाका अध्यक्ष टसि तुण्डुप गुरुङ्गले एक समारोहकाबीच समुद्घाटन गरेका हुन् । यस्तै डुम्रे शाखा कार्यालयको गाउँपालिकाका अध्यक्ष पूर्ण सिंह थापाले आज एक् समारोहबीच समुद्घाट्न गरेका हुन् ।
यातायात, सञ्चार तथा विद्यूत आपुर्तिे अभाव रहेको शे–फोकसुण्डोमा बैंकले आफ्नो अग्रसरतामा सौर्य उर्जाबाट भि–स्याट प्रविधिको प्रयोग गर्दै दूर्गम क्षेत्रका बासिन्दाहरुलाई अत्याधुनिक बैंकिङ्ग सेवा उपलब्ध गराएको छ ।
यसबाट करिब ४,२०० मिटरको उचाईमा रहेको शे–फोकसुण्डो शाखा कार्यालयबाट उच्च हिमाली क्षेत्रका सर्वसाधारणले बैंकको अत्याधुनिक प्रविधी सहितको गुणस्तरीय बैंकिङ्ग सुविधा उपभोग गर्न पाउने अवसर पाएका छन् ।
