काठमाडौं । सरकराले पृथ्वी राजमार्गको मुग्लिन–पोखरा सडकखण्डअन्तर्गतको आबुखैरेनी–पोखरा सडकखण्डको स्तरोन्नतीका लागि एशियाली विकास बैंक (एडिबी) सँग ऋण लिने भएको छ ।
साउन १६ गते बसेको मन्त्रीपरिषद्को बैठकले एडिबीबाट राजमार्ग स्तरोन्नतीका लागि करिब २१ अर्ब ४५ करोड बराबरको सहुलियतपूर्ण ऋण सहायता लिने निर्णय गरेको छ ।
आइतबार सरकारका प्रवक्ता एवं सञ्चार तथा सूचना प्रविधि मन्त्री गोकुल बाँस्कोटाले मन्त्री परिषद्को निर्णय सार्वजनिक गर्दै उक्त सहुलियतपूर्ण ऋण लिने निर्णय सार्वजनिक गरेका हुन् ।
सरकारले उक्त ऋणबाट आबुखैरेनी देखि पोखरासम्मको ९० किलोमिटर दुई लेनको सडक स्तरोन्नती गरि चार लेनको बनाउने तयारी गरेको हो ।
