काठमाडौं । तेस्रो नेपाल पूर्वधार सम्मेलन (२०१९) आगामी भदौ २५ र २६ गते काठमाडौंमा आयोजना हुने भएको छ । सम्मलेनको तयारी द्रुत गतिमा अघि बढेको नेपाल उद्योग परिसंघले जानकारी दिएको छ।
दुई दिनसम्म सञ्चालन हुने उक्त सम्मेलनमा देशभित्र र विदेशी गरी ५०० भन्दा बढी लगानीकर्ताहरुको सहभागिता हुने जनाइएको छ ।
नेपाल सरकार, लगानी बोर्ड, नेपाली युवा निर्माण व्यवसायी समुदायसमेतको सहकार्यमा “दिगो विकासका लागि मजबूत पूर्वाधार” को नारासहित सम्मलेन आयोजना गर्न लागेको परिसंघले जानकारी दिएको छ।
