काठमाडौं । सेयर बजारमा अर्को सिमेन्ट उद्योग आउने भएको छ । अहिले शिवम् सिमेन्ट मात्र रहेकोमा अब सर्वोत्तम सिमेन्ट पनि थपिने भएको हो ।
सर्वोत्तम सिमेन्टले प्राथमिक साधरण सेयर (आइपीओ) जारी गर्ने प्रस्ताव आगामी साधरण सभामा लैजाने भएको छ ।
सिमेन्ट उद्योग सञ्चालक समितिको पुस ८ गते बसेको बैठकले माघ ६ गते हुने दोस्रो वार्षिक साधारण सभामा बुक बिल्डिङ विधिबाट आइपीओ जारी गर्ने प्रस्ताव लैजाने निर्णय गरेको हो ।
यस्तै, कम्पनीले साधारण सभामा वार्षिक प्रतिवेदन पेश गर्ने, आर्थिक वर्ष २०७६/७७ को वासलात, नाफा नोक्सान हिसाब र नगद प्रवाह विवरणमा छलफल गरी पारित गर्ने लगायत प्रस्ताव मुख्य एजेण्डाको रुपमा लैजाने भएको छ ।
