काठमाडौं ।सेञ्चुरी कमर्शियल बैंकले गत आर्थिक वर्ष २०७६/७७ को मुनाफाबाट सेयरधनीलाई लाभांश घोषणा गरेको छ ।
बैंक सञ्चालक समितिको सोमबार बसेको बैठकले गत आवको वितरण योग्य मुनाफाबाट सेयरधनीलाई ५.२५ प्रतिशत बोनस र कर प्रयोजनसहित २.२५ प्रतिशत नगद गरी कुल ७.५० प्रतिशत लाभांश दिने प्रस्ताव गरेको हो ।
यो अघिल्लो आर्थिक वर्ष २०७५/७६ को भन्दा ०.७५ प्रतिशत कम हो । बैंकले अघिल्लो आवमा ४.७५ प्रतिशत बोनस र २ प्रतिशत नगद गरी कुल ६.७५ प्रतिशत लाभांश दिएको थियो ।
प्रस्तावित लाभांश नियामक निकाय नेपाल राष्ट्र बैंकको स्वीकृति र बैंकको आगामी वार्षिक साधारण सभाबाट पारित भएपछि सेयरधनीहरुले पाउनेछन्।
