काठमाडौं । एनआइसी एशिया क्यापिटलले आजदेखि ‘एनआइसी एशिया डाइनामिक डेब्ट फण्ड’ नाम म्युचुअल फण्ड विक्री खुला गरेको छ ।
एनआइसी एशिया बैंक कोष प्रबर्द्धक रहेको यस खुलामुखी म्युचुअल फण्डको आजदेखि विक्री खुल्ला भएको हो । एनआइसी एशिया क्यापिटलले प्रतिइकाई (कित्ता) १० रुपैयाँका दरले ५० करोड रुपैयाँ बराबरको ५ करोड इकाई विक्री खुल्ला गरेको हो ।
निष्काशित कुल ५ करोड इकाईमध्ये ७५ लाख इकाई (१५ प्रतिशत) बीज पूँजीबापत एनआइसी एशिया बैंकलाई छुट्याइएको छ । बाँकी ४ करोड २५ लाख इकाई (८५ प्रतिशत)मध्ये पहिलो चरणमा १ करोड २५ लाख इकाईमा सर्वसाधारणले आवेदन दिन सक्नेछन् ।
यस म्युचुअल फण्डमा लगानीकर्ताले मंसिर १६ गते सम्ममा आवेदन दिन सक्नेछन् । सो अवधिमा पूरै इकाईका लागि आवेदन नपरे मंसिर २६ गतेसम्म आवेदन दिन पाउने क्यापिटलले जनाएको छ ।
लगानीकर्ताले न्यूनतम न्यूनतम १०० इकाईदेखि (१ हजार रुपैयाँ) अधिकतम ५० लाख इकाई ( ५ करोड रुपैयाँ) सम्म आवेदन दिन सकिनेछ। लगानीकर्ताले सी-आस्वा सेवा प्राप्त बैंक तथा वित्तीय संस्थाका साथै मेरोसेयर मार्फत आवेदन दिन सक्नेछन् ।
रेटिङ एजेन्सी इक्रा नेपालले योजना व्यवस्थापक एनआईसी एशिया क्यापिटललाई ‘इक्राएनपी एएमसी क्वालिटी ३’ रेटिङ दिएको छभने प्रबर्द्धक एनआइसी एशिया बैंकलाई ‘इक्राएनपी-बीबीबी प्लस’ रेटिङ दिएको छ। यसले मध्यम जोखिम रहेको जनाउछ।
