काठमाडौं ।नेपाली सेयर बजारले इतिहासकै सर्वाधिक विन्दुको रेकर्ड बनाएको छ । बजार खुल्नसाथ १९ अंकले बढेर १८९४ बिन्दु पारगरेसँगै साढे ४ वर्ष अघिको रेकर्ड तोडिएको हो ।
नेप्से यसअघि २०७३ साउन ११ गते इतिहासकै उच्च विन्दु १८८१ को रेकर्ड राखेको थियो । त्यस यता निरन्तर ओरालो लागेको बजारले पछिल्लो ६ महिनायता गति लिएको थियो ।
पछिल्लो ६ महिनामा नेप्से करिब ७०० अंकले बढेको छ भने दशैं यता मात्रै २०० अंकले भन्दा बढीले बढेको छ ।
पछिल्लो समय बैंकिङ प्रणालीमा अधिक तरलता कायम भई ब्याजदर सस्तिनु नै बजारले नयाँ रेकर्ड राख्नुको मुख्य कारण रहेको जानकारहरु बताउँछन् ।
यस्तै, पछिल्लो समय बजारमा नयाँ लगानीकर्ताको प्रवेश, सेयर बजार प्रविधिमैत्री बन्नु, कोरोनाका कारण अन्य क्षेत्रमा लगानी हुने वातावरण नहुँदा लगानीकर्ता सेयरबजार प्रति आकर्षित हुनु लगायत कारणले बजार नयाँ उचाइमा पुगेको हो ।
