काठमाडौं । कुमारी बैंकले यस अघि प्रस्ताव गरेको लाभांश संशोधन गरेको छ ।
बैंक सञ्चालक समितिको शुक्रबार बसेको बैठकले यसअघि गत वर्षको नाफाबाट प्रस्ताव गरेको नगद लाभांश घटाइ बोनस सेयर बढाउने निर्णय गरेको हो ।
यसअघि बैंकले १० प्रतिशत बोनस सेयर र ४ प्रतिशत नगद लाभांश वितरण गर्ने प्रस्ताव गरेका थियो । त्यसलाइ संशोधन गर्दै बैठकले १०.८५ प्रतिशत बोनस सेयर र ३.१५ प्रतिशत नगद लाभांश दिने प्रस्ताव गरेको हो ।
बोनस र नगदको अनुपातमा परिवर्तन गरे पनि बैंकले यसअघि प्रस्ताव गरेको कुल लाभांश भने १४ प्रतिशत नै यथावत् राखेको छ ।
