काठमाडौं । सेयर बजारमा दोहोरो अंकको गिरावट आएको छ । बिहीबार करिब १२ अंकले घटेको बजार लगातार दोस्रो दिन दोहोरो अंकले घटेको हो ।
सेयर बजार मापक सूचक नेप्से आज १३.३७ अंकले घटेर १५७६.२७ विन्दुमा आइपुगेको छ । यसदिन १९३ कम्पनीको २ अर्ब ३९ करोड ५४ लाख ३२ हजार ५९८ रुपैयाँ बराबरको कारोबार भएको छ । ९२ लाख ८१ हजार ४७८ कित्ता सेयर किनबेच भएका छन् ।
कारोबारमा आएका १२ वटा समूहमध्ये वित्त समूह बाहेक अन्य सबै समूहको परिसूचक ओरालो लागेका छन् । आज फाइनान्स समूहको परिसूचक १७.५० अंकले बढेको छ भने निर्जीवन बीमा समूहको परिसूचक सबैभन्दा धेरै ८६.३७ अंकले घटेको छ ।
आज लगानीकर्ताको रोजाइमा नेपाल लाइफ इन्स्योरेन्सको सेयर परेको छ । यसको सबैभन्दा धेरै १० करोड ६ लाख रुपैयाँभन्दा बढीको सेयर किनबेच भएको छ । कारोबारकै आधरमा अपि पावर र अरुण भ्याली हाइड्रोपावरको सेयर क्रमशः दोस्रो र तेस्रो स्थानमा रहे ।
घट्दो बजारमा पनि आज आइसीएफसी फाइनान्सको सेयर मूल्यमा पोजेटिभ सर्किट लागेको छ । यसका सेयरधनीले करिब १० प्रतिशत कमाएका छन् ।
आज अपि पावर कम्पनीका सेयरधनीले सबैभन्दा धेरै ७.१४ प्रतिशतले गुमाएका छन् ।
