काठमाडौं । बागलुङको ढोरपाटन नगरपालिकाको वडा नं. ७, ८ र ९ बाढीपहिरो पीडितलाई प्रभु बैंकले आर्थिक सहयोग गरेको छ ।
बैंकले आफ्नो सामाजिक दायित्व अन्तर्गत उक्त क्षेत्रका बासिन्दाका लागि सहयोग गर्न नगरपालिकाको बाढीपीडित उद्वार कोषमा ५ लाख रुपैयाँ सहयोग प्रदान गरेको हो ।
उक्त रकम बैंकका प्रमुख कार्यकारी अधिकृत अशोक शेरचनले नगरपालिकाका प्रमुखलाई हस्तान्तरण गरेका हुन् ।
उक्त सहयोगले क्षतिग्रस्त संरचना निर्माण तथा स्थानीयलाई पुनर्स्थापनाका लागि सहयोग पुग्ने बैंकको विश्वास छ ।
गतसाता आएको बाढीपहिरोले ढोरपाटनका करिब ३७ जनाले ज्यान गुमाएको, विद्यालय, स्वास्थ्य चौकी, लघु जलविद्युत, पुल र १०० वटा ध्वस्त भएका थिए ।
