काठमाडौं । आरएमडीसी लघुवित्त वित्तीयसंस्थाले गत आर्थिक वर्ष २०७६/७७ को मुनाफाबाट सेयरधनीलाई लाभांश घोषणा गरेको छ ।
लघुवित्तको आज (सोमबार) विहान बसेको बसेको सञ्चालक समितिको बैठकले गत आवको नाफाबाट सेयरधनीलाई १५ बोनस सेयर र कर प्रयोजन सहित ५ प्रतिशत नगद गरी कुल २० प्रतिशत लाभांश दिने प्रस्ताव गरेको हो ।
यो अघिल्लो आर्थिक वर्षको भन्दा ५ प्रतिशत कम हो । लघुवित्तले अघिल्लो आवमा १२५ प्रतिशत बोनस र १२.५ प्रतिशत नगद गरी कुल २५ प्रतिशत लाभांश दिएको थियो ।
लघुवित्तले १५ प्रतिशत बोनसका लागि १३ करोड ४८ लाख ९८ हजार ५१३ रुपैयाँ र ५ प्रतिशत नगदका लागि ४ करोड ४९ लाख ६६ हजार १७१ रुपैयाँ गरी कुल १७ करोड ९८ लाख ६४ हजार ६८५ रुपैयाँ वितरण गर्नेछ ।
हाल ८९ करोड ९३ लाख २३ हजार ४२५ रुपैयाँ चुक्ता पूँजी रहेको लघुवित्तको बोनस वितरणपछि १ अर्ब ३ करोड ४२ लाख २१ हजार ९३८ रुपैयाँ पुग्नेछ।
प्रस्तावित लाभांश नियामक निकाय नेपाल राष्ट्र बैंकको स्वीकृति र लघुवित्तको आगामी वार्षिक साधारण सभाबाट पारित भएपछि सेयरधनीहरुले पाउनेछन्।
