काठमाडौं । बीमा समितिको निर्देशन पछि गुराँस लाइफ इन्स्योरेन्सको लाभांश परिमार्जन भएको छ। कम्पनी सञ्चालक समितिको भदौ १९ गते बसेको बैंठकले लाभांश परिमार्जन गरेको हो ।
कम्पनीले आर्थिक वर्ष २०७४/७५ को मुनाफाबाट सेयरधनीलाई १३.१० प्रतिशत लाभांश दिने प्रस्ताव गरेको थियो । तर, नियामक निकाय बीमा समितिले वित्तीय विवरणमा परिमार्जन गरी पुनः पेश गर्न निर्देशन दिएपछि लाभांश घटेको छ ।
त्यससँगै कम्पनीले लाभांश परिमार्जन गरी १०.५० प्रतिशत बोनस तथा त्यसमा लाग्ने कर प्रयोजनको लागि ५१ लाख ८६ हजार ५५८ रुपैयाँ दिने भएको छ ।
सञ्चालक समितिको बैठकले प्रस्ताव गरेको नयाँ लाभांश बीमा समितिबाट स्वीकृति तथा कम्पनीको आगामी वार्षिक साधारण सभाले पारित गरेपछि मात्र सेयरधनीले पाउनेछन्।
