काठमाडौं । पछिल्ला दिनमा बीमा कम्पनी र माइक्रोफाइनान्समा झुम्मिएका लगानीकर्ता आज हाइड्रोतर्फ डाइभर्ट भएका छन् ।
आज १२ः४५ बजेसम्म कारोबारमा आएका हाइड्रो कम्पनीमध्ये ८ कम्पनीको मूल्यमा पोजेटिभ सर्किट लागेको छ भने अधिकांशको सेयर मूल्य बढेको छ ।
आज आँखुखोला, रैराङ, सिनर्जी पावर, अरुण काबेली, ङादी, वरुण लगायत हाइड्रोपावरको सेयर मूल्यमा पोजेटिभ सर्किट लागेको छ । यी कम्पनीहरुको सेयर मूल्य करिब १० प्रतिशतले बढेको छ ।
यस्तै कारोबारमा आएका अधिकांश हाइड्रो कम्पनीको सेयर मूल्य पनि बढेको छ । १२ः४५ बजेसम्म हाइड्रोपावर समूहको परिसूचक करिब ४५ अंकले बढेर १०५७ विन्दुमा पुगेको छ ।
लगानीकर्ताहरुले एउटा क्षेत्रका कम्पनीबाट पर्फिट बुक गरेपछि अर्को क्षेत्रतर्फ डाइभर्ट गरेको जानकारहरु बताउँछन् ।
