काठमाडौं । देशभरका कुल ७५३ वटा स्थानीय तहमध्ये अझै ६ वटा स्थानीय तहमा कुनै पनि वाणिज्य बैंकको शाखा पुग्न सकेको छैन ।
राष्ट्र बैंकको तथ्यांक अनुसार २०७७ असारमसान्तसम्ममा ७४६ स्थानीय तहमा वाणिज्य बैंकका शाखा पुगेका छन् ।
राष्ट्र बैंकको अनुसार बागमती र सुदूरपश्चिम प्रदेका २र२ स्थानीय तहमा वाणिज्य बैंक पुग्न सकेका छैनन् । बागमती प्रदेशमा जम्मा ११९ वटामध्ये ११७ र सुदूरपश्मिको ८८ मध्ये ८६ स्थानीय निकायमा बैंकका शाखा पुगेका छन् ।
यस्तै, प्रदेशमा नं. १ र कर्णाली प्रदेशका १/१ स्थानीय तहमा वाणिज्य बैंकको शाखा पुग्न बाँकी रहेका छन् । प्रदेश नं १ को १३७ वटा स्थानीय तहमध्ये १३६ वटामा, गण्डकी प्रदेशको ८५ वटामध्ये ८४ स्थानीय निकायमा वाणिज्य बैंक पुग्न सफल भएका छन् ।
यता, प्रदेश नंं २, ५ र गण्डकी प्रदेशमा भने सबै स्थानीय तहमा वाणिज्य बैंकको शाखा पुगेको छ । प्रदेश ५ मा रहेका १०९, प्रदेश २ का १३६ र गण्डकी प्रदेशका ८५ वटै स्थानीय थहमा बैंकको शाखा पुगेका छन् ।
