काठमाडौं । कञ्चन डेभलपमेन्ट बैंकलाई गाभेर एनएमबी बैंकले आजदेखि एकीकृत कारोबार शुरु गरेको छ ।
सुदूरपश्चिम क्षेत्रमा बलियो पकड रहेको कञ्चनलाई प्राप्ति गरी ‘एनएमबी बैंक लि’ नामबाट एकीकृत कारोबार गरेको हो ।
१००ः८५ को सेयर अनुपातमा कञ्चन एनएमबीमा गाभिएको हो । कञ्चनलाई प्राप्ति पछि एनएमबीको चुक्ता पूँजी १४ अर्ब ४५ करोड रुपैयाँ पुगेको छ भने जगेडा कोषको आकार ७ अर्ब ३५ करोड रुपैयाँ पुगेको छ।
कञ्चन डेभलपमेन्ट बैंकलाई प्राप्तिपछि एनएमबी बैंकले १८६ शाखाहरु, ६ विस्तारित काउन्टरहरु र १३५ एटीएमहरुको सञ्जाल बनाएको छ।
