काठमाडौं। निजी क्षेत्रको वायु सेवा प्रदायक बुद्ध एयरले आन्तरिक उडानको लागि टिकट बुकिङ खुला गरेको छ। सरकारले आगामी भदौ १ गतेदेखि हवाइ उडान सञ्चालन गर्ने निर्णय गरसँगै सुरु बुद्धले टिकट बुकिङ खुला गरेको हो ।
बुद्धले भदौ १ गते देखि उडानका लागि टिकट आजदेखि बुकिङ सुरु गरेको हो । बुद्ध एयरको आधिकारीक वेबसाइटमा गएर टिकट बुकिङ गर्न सकिनेछ । हाल नियमित भाडादरमै टिकट बुकिङ खुलाइए पनि केही दिनमै योजना सार्वजनिक गर्ने कम्पनीले जनाएको छ ।
नियमित उडान सुरु भएलगत्तै सस्तो भाडादरमा यात्रुलाई सेवा दिने योजना रहेको कम्पनीले जनाएको छ ।बुद्धले यसअघिनै सुरक्षा प्रोटोकल अपनाई हवाइ उडानको पूर्वअभ्यास गरेको थियो । हवाइ सेवा सञ्चालनका लागि आवश्यक तयारी गरिरहेको कम्पनीले जनाएको छ ।
सरकारले कोरोना रोकथाम तथा नियन्त्रणका लागि चैत ११ गतेदेखि लकडाउन लागू गरेसँगै आन्तरिक तथा बाह्य हवाइ उडानमा रोक लगाएको थियो ।
