काठमाडौं । लाइफ इन्सुरेन्स कर्पोरेसन (एलआइसी) नेपालको ७० प्रतिशत लाभांश सुरक्षित गर्न आज (साउन ८ गते) सम्म सेयरधनी कायम रहनु पर्नेछ ।
कम्पनीले साउन २४ गते वार्षिक साधारण सभा गर्न बिहीबार (साउन ९ गते) देखि साधारण सभाको दिनसम्म बुक क्लोज गर्दैछ । तसर्थ, बुधबारसम्म कायम रहेका सेयरधनीले मात्र लाभांश पाउने छन् ।
कम्पनीले आर्थिक वर्ष २०७४/७५ को नाफाबाट ३४.४६% बोनस सेयर र ३५.५४% नगद गरी कुल ७०% लाभांश वितरण गर्न लागेको हो । प्रस्तावित ३४.४६% बोनस सेयर वितरण पछि कम्पनीको चुक्ता पूँजी २ अर्ब १ करोड रुपैयाँ पुग्नेछ ।
कम्पनीको साधारण सभा नेपाल पुलिस क्लबको सभाहल, भृकुटीमण्डप काठमाडौंमा बिहान ९ः३० बजे सुरु हुनेछ ।
