काठमाण्डौ । मेगा बैंकले आफ्ना सेयरधनीहरुलाई आर्थिक वर्ष २०७५/७६ का लागि दोहोरो अंकको लाभांश वितरण गर्ने घोषणा गरेको छ । जस अनुसार यस वर्ष सेयरधनीले कम्तीमा १० प्रतिशत भन्दा बढी लाभांश पाउने छन् ।
बैंकको मंगलबार नवौँ वार्षिकोत्सव समारोहलाई सम्बोधन गर्दै बैंककी प्रमुख कार्यकारी अधिकृत (सीईओ) अनुपमा खुञ्जेलीले यस्तो घोषणा गरेकी हुन् । उनले विगतमा आफूहरुले गरेको प्रतिबद्धताअनुसार यो वर्ष आफ्ना सेयरधनीहरुलाई दोहोरो अंकको लाभांश वितरण गर्न लागेको बताइन् ।
मेगा बैंकले आर्थिक वर्ष २०७४/७५ मा ७.८५ प्रतिशत लाभांस वितरण गरेको थियो । जसमा नगद ६.८५ प्रतिशत र बोनस १ प्रतिशत दिएको थियो ।
