नेपाल उद्योग बाणिज्य महासंघको साधारण सभा आगामी साउन २६ र २७ गते हुने भएको छ ।
गत चैत २८ र २९ गते हुनु पर्ने साधारण सभा कोभिड १९ को संक्रमणको कारण समयमा हुन सकेको थिए । अहिले लकडाउनलाई खुकुलो पार्दै अगाडि जाने रणनीति सरकारले तयार गरेसँगै महासंघको साधारण सभा गर्ने मिति कार्यसमितिले गरेको हो ।
यस साधारण सभाबाट महासंघको नयाँ नेतृत्व समेत हुने हुँदा सबैले यो साधारण सभालाई विशेषरुपमा हेरेका छन् । यस पटक बरिष्ठ उपाध्यक्ष शेखर गोल्छा स्वत अध्यक्ष बन्ने छन् भने बरिष्ठ उपाध्यक्षसहित अन्य पदाधिकारी र सदस्यहरु निर्वाचनबाट आउने छन् ।
महासंघको बरिष्ठ उपाध्यक्ष पदमा चन्द्रप्रसाद ढकाल र किशोर प्रधान बीच प्रतिस्पर्धा हुने निश्चित जस्तै रहेको छ ।
यी दुबै बरिष्ठ उपाध्यक्षका उमेद्वारले पदाधिकारीदेखि सदस्यसम्म नै प्यानलै निर्माण गरेर चुनावी कार्यक्रममा जाने तयरी गरिरहेका छन् ।
ढकाल प्यानलमा जिल्ला नगर उपाध्यक्षमा गुणनीधि तिवारी, बस्तुगत उपाध्यक्षमा उमेशलाल श्रेष्ठ र एसोसिएट उपाध्यक्षमा रामचन्द्र संघाईले उमेद्वारी दिने छन् भने प्रधानको प्यानलमा जिल्ला नगर उपाध्यक्ष दिनेश श्रेष्ठ, बस्तुगतमा अञ्जन श्रेष्ठ र एसोसिएट उपाध्यक्षमा सौरभ ज्योति उमेद्वार बन्ने भएका छन् ।
