काठमाडौं । एनआइसी एशिया लघुवित्तले आगामी असार १० गतेदेखि लघुवित्त क्षेत्रकै सबैभन्दा ठूलो प्राथमिक साधरण सेयर (आइपीओ) निष्काशन गर्ने भएको छ ।
लघुवित्तले ४७ करोड ५५ लाख रुपैयाँ बराबरको ४७ लाख ५५ हजार कित्ता आइपीओ निष्काशन गर्ने भएको हो ।यो लघुवित्त क्षेत्रको हालसम्मकै सबै भन्दा आईपीओ हो । हाल सम्म कुनैपनि लघुवित्त कम्पनीहरुले यस रकम बराबरको आईपीओ निष्काशन गरेका छैनन्।
लघुवित्तले निष्कासन गर्न लागेको आइपीओमध्ये ७४ हजार कित्ता (०.५ प्रतिशत) कर्मचारीहका लागि र २ लाख ३७ हजार ८०० कित्ता (५ प्रतिशत) सामूहिक लगानी कोषका लागि छुट्याएको छ । बाँकी ४४ लाख ४३ हजार २०० कित्ताका लागि सर्वसाधारणले आवेदन दिन सक्ने कम्पनीले जनाएको छ।
कम्पनीको आइपीओमा न्यूनतम १० कित्ता र अधिकतम २ लाख कित्ताका लागि आवेदन दिन सकिने छ । छिटोमा असार १० गतेदेखि १४ गतेसम्म र सो अवधिमा पूरै आवेदन नपरेको खण्डमा ढिलोमा असार २४ गतेसम्म आवेदन दिन सकिने कम्पनीले जनाएको छ ।
इच्छुक लगानीकर्ताले नजिकको एनआइसी एशिया बैंकका शाखा, सानिमा क्यापिटल र मेरोसेयर मार्फत आवेदन दिन सक्नेछन् । कम्पनीको सेयर निष्काशन तथा बिक्री प्रबन्धकमाम सानिमा क्यापिटल रहेको छ ।
हाल १ अर्ब ४५ लाख १० हजार रुपैयाँ रहेको लघुवित्तको आइपीओ निष्काशनपछि १ अर्ब ४८ करोड रुपैयाँ पुग्नेछ ।
