काठमाडौं । प्रधानमन्त्री केपी शर्मा ओलीले सांसदहरुले तथ्य र प्रमाण बिनै विभिन्न व्यापारिक घरानासँग जोडेर सरकार माथि आरोप लगाउने गरेको बताएका छन् ।
संघीय संसद्को प्रतिनिधि सभाको बैठकमा बजेट बारे उठेका प्रश्नको जवाफ दिँदै उनले यस्तो बताएका हुन् ।
उनले केही व्यक्तिको कामै सरकारलाई कुनै व्यापारीक घरानासँग जोडेर बदानामी गर्नु मात्रै रहेको बताएका छन् ।
‘कहिले ओम्नी भनेको छ, कहिले विशाल गु्रप भनेको छ । अनेक नाम जोडेर सरकारलाई बदनाम गर्ने काम भइरहेको छ,’ उनले भने, ‘प्रश्न खडा गर्दा कम्तीमा तथ्य र प्रमाणलाई त ख्याल गरौं । आरोप लगाउनमा मात्र जे पनि नबोलौं ।’
