काठमाडौं । एशियाली विकास बैंक (एडीबी) ले कोरोना भाइरससँग लड्न नेपाल सरकारलाई २५० मिलियन अमेरिकी डलर (करिब ३० अर्ब रुपैयाँ) ऋण सहायता उपलब्ध गराउने भएको छ ।
बैंकले मंगलबार उक्त ऋण सहायता स्वीकृत गरेको हो । यस सहायताबाट नेपाललाई कोरोना विरुद्ध लड्न सहयोग पुग्ने एडीबीले बताएको छ ।
यस सहुलियतपूर्ण ऋणबाट कोरोनाको महामारीसँग जुध्ने उपायलाई निरन्तरता दिन, गरिब र कमजोर वर्गका लागि सामाजिक संरक्षणका कार्यक्रम विस्तार गर्दै तीव्र आर्थिक सुधारको चरणलाई तय गर्न सहयोग पुग्ने कोरोनाको भनाइ छ ।
यो रकमबाट सातै प्रदेशमा महिला र पुरुषका लागि छुट्टै वार्ड सहितका कम्तीमा २ लाख मानिसका लागि क्वारेन्टाइन सुविधा प्रदान गर्न खर्च गनिरे छ ।
यसैगरी, प्रतिदिन कम्तिमा ३ हजार कोरोना परीक्षणका लागि यसले सहयोग पुग्ने बैंकले विश्वास लिएको छ । कोरोना विपदबाट अतिप्रभावित लघु साना र मझौला उद्योगमा पनि अनुदानपूर्ण ऋण दिइनेछ ।
