काठमाडौं । नेपाल राष्ट्र बैंकका अनुसार नेपाल स्टक एक्सचेन्ज लिमिटेडमा गत फागुन मसान्तसम्ममा ४ अर्ब ६९ करोड सेयर सूचीकृत भएको छ ।
सो सूचीकृत शेयरको चुक्ता मूल्य ४५९ अर्ब ४९ करोड रुपैयाँ रहेको छ । यस्तै चालू आवको आठ महिनामा २५ अर्ब ५५ करोड रुपैयाँबराबरको सेयर लाभांश, २१ अर्ब ४६ करोड रुपैयाँ बराबरको ऋणपत्र १२ अर्ब १६ करोड रुपैयाँबराबरको साधारण सेयर सूचीकृत भएको छ ।
त्यस्तै ५ अर्ब ७५ करोड रुपैयाँ बराबरको सामूहिक लगानी कोष ४ अर्ब ११ करोड रुपैयाँ बराबरको हकप्रद सेयर र ११ अर्ब ८३ करोड रुपैयाँ बराबरको अन्य गरी कुल ८० अर्ब ८६ करोड बराबरको थप धितोपत्र सूचीकृत भएका छन् ।
सो अवधिमा नेपाल धितोपत्र बोर्डले २१ अर्ब ४५ करोड रुपैयाँ बराबरको ऋणपत्र, ४ अर्ब ४१ करोड बराबरको हकप्रद सेयर, २ अर्ब ७५ करोडको साधारण सेयर र १ अर्बको सामूहिक लगानी कोष गरी २९ अर्ब ६२ करोड रुपैयाँ बराबरको धितोपत्र निष्काशन गर्ने अनुमति दिएको छ ।
