काठमाडौं । नेपाल स्टक एक्सचेञ्ज (नेप्से) सेयर कारोबार हुने समायावधि थप गरेको छ । नेप्सेले आइतबारदेखि परीक्षणका लागि भन्दै सेयर कारोबार हुने समय १ घण्टा थप गरेको छ ।
नेप्सेका अनुसार अब दैनिक ५ घण्टा कारोबार हुने छ । जस अनुसार आइतबारदेखि बिहीबारसम्म बिहान ११ बजेदेखि अपराह्न ४ बजेसम्म बजार खुल्ला रहने छ । यसअघि दैनिक ४ घण्टा बिहान ११ बजेदेखि दिउँसो ३ बजेसम्म कारोबार हुँदै आएको थियो ।
नेपाल धितोपत्र बोर्डले सेयर कारोबार समयाधवी थप गर्ने विषयमा अध्ययन गर्न केहि दिन अघि नेप्सेलाई निर्देशन दिएको थियो । बोर्डको निर्देशन अनुसार शुक्रबार बसेको नेप्से सञ्चालक समिति बैठकले कारोबार समयावधि थप गरेको हो ।
नेप्सेले १०ः३० देखि ११ बजेसम्म प्रारम्भिक कारोबार समय हुने, ११ देखि ४ बजेसम्म कारोबार समय हुने र ४ देखि ४ः०५ सम्म अन्तिम कारोबारका लागि भनेर समय तोकेको छ ।
