काठमाडौं । माछापुच्छ्रे बैंकले कायममुकायम प्रमुख कार्यकारी अधिकृत (सीईओ) को जिम्मेवारी सन्तोष कोइरालालाई दिएको छ ।
बैंकका हालका सीईओ सुमन शर्माले फागुन ३० गतेदेखि लागू हुने गरी राजीनामा दिएपछि बैंक सञ्चालक समितिले कोइरालालाई चैत १ गतेदेखि लागू हुने गरी कामु सीईओको जिम्मेवारी दिएको हो ।
कोइरालाले माछापुच्छ्रे बैंकमा मात्रै ७ वर्ष काम गरिसकेको छन् । उनी माछापुच्छ्रेमा साढे २ वर्षदेखि नायव प्रमुख कार्यकारी अधिकृत पदमा कार्यरत छन् ।
सन् २००० मा बैंक अफ काठमाण्डूबाट करियर सुरु गरेका कोइराला त्यहाँबाट सानिमा बैंक गएका थिए। सानिमामा १० वर्ष काम गरेपछि उनी माछापुच्छ्रे गएका थिए। उनीसँग २ दशकभन्दा बढी बैंकिङ क्षेत्रमा काम गरेको अनुभव छ ।
उनले त्रिभुवन विश्वविद्यालयबाट व्यवस्थापन संकायमा स्नातकोत्तर (एमबीए) गरेका छन् भने नेदरल्यान्डको कलेजबाट ‘एड्भान्स म्यानेजमेन्ट एण्ड लिडरसिप प्रोग्राम मा डिप्लोमा गरेका छन्।
