‘एक्सयूभी-३००’,काे ब्राण्ड एम्बेस्डरमा क्रिकेटर पारस

नेपालका सर्वाधिक चर्चित क्रिकेट खेलाडी एवं नेपाली क्रिकेट टीमका पूर्व कप्तान पारस खड्कालाई नेपालका लागि महिन्द्रा एन्ड महिन्द्राको आधिकारिक बिक्रेता अग्नि ग्रुपले आफ्नो ब्रान्ड एम्बेसडरमा नियुक्त गरेको छ ।

 

खड्कालाई ब्रान्ड एम्बेसडर घोषणा गर्न मंगलवार काठमाडौंमा आयोजित एक समारोहमा अग्नि ग्रुपका कार्यकारी निर्देशक  अर्जुनप्रसाद शर्माले सहकार्यको घोषणा गर्दै ग्लोबल एनक्याप रेटिङमा पहिलो ‘सेफर च्वाइस’ अवार्ड विजेता एक्सयूभी-३०० खड्कालाई हस्तान्तरण गरेका थिए ।

अलराउन्डर क्रिकेटर खड्का, राइटह्यान्डेड ब्याट्सम्यान, राइटआर्म मिडियम फास्ट बलर तथा अफ बेक बलर हुनुहुन्छ । अग्नि ग्रुपद्वारा आफूलाई अग्नि इन्कर्पोरेटेडको ब्रान्ड एम्बेसडर घोषणा गरिएकोमा क्रिकेटर खड्काले खुशी प्रकट गरेका थिए । ‘अग्नि ग्रुपसँग मेरो सदैव असल सम्बन्ध रहेको छ, म यो ग्रुपको डिस्ट्रिब्युटरसीप रहेको मोटरसाइकलको यसअघि नै ब्रान्ड प्रवद्र्धक रहिसकेको छु’ खड्काले भन्नुभयो, ‘अग्नि ग्रुपसँगको मेरो सम्बन्ध २०६३/६४  देखिकै हो, त्यसयता लामो समयदेखि मेरो अग्नि ग्रुपसँग सुमधुर सम्बन्ध रहँदै आएको छ । हामीले आफ्नो सम्बन्धमा पूर्णव्यवासयिक र व्यक्तिगत सन्तुलन कायम राख्दै आएका छौं । यो सहकार्यबाट म निकै हर्षित छु, ।’

 

आफ्नो पेशागत कारणले एसयूभी गाडी सदैव प्राथमितकताको सूचीमा पर्ने गरेको खड्काले बताए । ‘मेरो पेशागत कारणले एसयूभी (स्पोर्टस युटिलिटी) गाडी सदैव प्राथमिकताकाे सूचीमा पर्दै आएको छ, जहाँसुकै जाँदा पनि यसमा मैले मेरो थप लगेज लैजान सक्छु’ खड्काले भने– ‘त्यसैले म सवारी साधनका रूपमा सुरक्षा, आरामदायी र विश्वसनीयता हेर्ने गर्छु । सुरक्षित र शानदार फाइभस्टार रेटिङयुक्त महिन्द्राको एसयूभी एक्सयूभी-३०० आफूले प्राप्त गर्दा म अत्यन्तै प्रफुल्लित छु ।’

 

यस अघि गत जेष्ठमा अग्नि ग्रुपले पूर्व मिस नेपाल शृङ्खला खतिवडा लाई तिन बर्षको लागि  ब्रान्ड एम्बेसडरको रुपमा नियुक्त गरिएको थियो भने आज पारस खड्कालाई दुई बर्षका लागि ब्रान्ड एम्बेसडर घोषणा गरेको छ ।

 

समारोहमा विभिन्न सञ्चारमाध्यमका प्रतिनिधि, अग्नि ग्रुपका कम्पनी वरिष्ठ निर्देशक तथा सचिव दुर्गाप्रसाद आचार्य र उप निर्देशक  बरदान बस्नेत लगायत पूर्व मिस नेपाल शृङ्खला खतिवडा उपस्थित रहेका थिए ।

१ हजार बिघा सरकारी जग्गा अतिक्रमण Read Previous

१ हजार बिघा सरकारी जग्गा अतिक्रमण

अब ३ वटा जहाज हुने कम्पनीले मात्र उडान सेवा सञ्चालन गर्न पाउने Read Next

अब ३ वटा जहाज हुने कम्पनीले मात्र उडान सेवा सञ्चालन गर्न पाउने