काठमाडौं । ग्लोबल आईएमई बैंकले दिपायलको पिपल्ला बजारमा शाखा विस्तार गरेको छ ।
शाखाको ग्लोबल आईएमईका अध्यक्ष चन्द्रप्रसाद ढकाल, डोटी जिल्लाका प्रमुख जिल्ला अधिकारी टेकनारायण पौडेल, नेपाल उद्योग वाणिज्य महासंघ प्रदेश ५ का अध्यक्ष गुणनिधि तिवारी र डोटी उद्योग वाणिज्य संघका अध्यक्ष मोहनबहादुर कलेलले संयुक्त रुपमा उद्घाटन गरे ।
बैंकका अध्यक्ष ढकालले बैंकको नयाँ शाखाबाट आधुनिक एवं अन्तर्राष्ट्रियस्तरको बैंकिङ सेवा उपलब्ध हुने प्रतिबद्धता व्यक्त गरे ।
उनले सो क्षेत्रमा जम्मा भएको निक्षेप रकम सोही क्षेत्रमै परिचालन गर्ने र शाखाले आर्जन गरेको नाफाको एक प्रतिशत रकम त्यही क्षेत्रमा संस्थागत सामाजिक उत्तरदायित्वअन्तर्गत विभिन्न सामाजिक कार्यमा खर्च गरिने बताए ।
