काठमाडौं । नेको इन्स्योरेन्स कम्पनी लिमिटेडले बिक्रीमा ल्याएका हकप्रद सेयर आधा पनि बिक्न नसेकको पाइएको छ ।
इन्स्योरेन्सले गत फागुन ८ गतेदेखि चैत १४ गतेसम्म प्रतिकित्ता १०० रुपैयाँ दरले ५० करोड ३० लाख ९० हजार १५५ रुपैयाँ बराबरको ५० लाख ३० हजार ९०१.५५ कित्ता हकप्रद सेयर बिक्रीमा ल्याएको थियो ।
सोमध्ये २१ लाख ७४ हजार ९७ कित्ता सेयरका लागि मात्रै आवेदन परेको सीडीएस एण्ड क्लियरिङले जनाएको छ । यो बिक्रीमा ल्याएको कुल सेयरको ४३.२१ प्रतिशत मात्रै हो ।
यद्यपि, भौतिक रुपमा फारम भर्नेहरुको विवरण आइ नसकेकाले आवेदकको संख्या केही बढ्न सक्नेछ । कम्पनीको २८ लाख ५६ हजार ८०५ कित्ता हकप्रद सेयरमा आवेदन नपरेको हो । कम्पनीले अब उक्त सेयर लिलामी मार्फत बिक्री गर्नेछ ।
हाल इन्स्योरेन्सको चुक्ता पूँजी २ अर्ब १ करोड २३ लाख ६० हजार ६१९ रुपैयाँ रहेको छ। हकप्रद बिक्रीपछि चुक्ता पूँजी २ अर्ब ५१ करोड ५४ लाख ५० हजार ७७४ रुपैयाँ पुग्नेछ।
