काठमाडौं । सरकारले भूमि अध्यादेश फिर्ता लिने भएको छ । बुधबार प्रधानमन्त्री निवास बालुवाटारमा बसेको सत्तारुढ दलहरुको बैठकले विवादास्पद भूमि सम्बन्धी अध्यादेश निष्क्रिय पार्ने निर्णय गरेको हो ।
सरकारले सदनको बैठक हुनु अगाडि ६ अध्यादेश जारी गरेको थियो । तीमध्ये ५ अध्यादेश संसदका दुवै सदन पेश भए पनि भूमि अध्यादेश पेस नै हुन सकेको थिएन ।
सत्तारुढ दल जसपा नेपालले भूमि अध्यादेशलाई यथास्थितिमा समर्थन गर्न नसक्ने जनाएपछि सरकार पछि हट्न बाध्य भएको हो । सत्तारुढ दलबीच अब जसपाका माग पनि सम्बोधन गर्दै भूमि सम्बन्धी विधेयक ल्याउने सहमति भएको छ ।
सत्ता गठबन्धनको बैठकमा प्रधानमन्त्री केपी शर्मा ओली, कांग्रेस सभापति शेरबहादुर देउवा, जसपा नेपालका अध्यक्ष उपेन्द्र यादव र जसपाका अध्यक्ष अशोक राई, लोसपाका अध्यक्ष महन्थ ठाकुर, जनमतका अध्यक्ष सिके राउत र नाउपा अध्यक्ष रञ्जिता श्रेष्ठ लगायतको सहभागिता थियो ।
