काठमाडौं । नेपाल स्टक एक्सचेन्ज (नेप्से)मा थप दुई लघुवित्त कम्पनीको बोनस सेयर सूचीकृत भएको छ ।
नेप्सेमा आइतबार सूर्योदय वोमी लघुवित्तले र सपोर्ट लघुवित्तले गत आर्थिक वर्ष २०८०/८१ को मुनाफाबाट वितरण गरेको बोनस सेयर सूचीकृत भएको हो ।
नेप्सेमा सूर्योदय वोमीको ६ प्रतिशत (६ लाख २६ हजार १९९.७९ कित्ता) र सपोर्ट लघुवित्तको १३.७७५ प्रतिशत (१ लाख ४८ हजार २४५.०९ कित्ता) बोनस सेयर सूचीकृत भएको हो ।
दुवै कम्पनीको सूचीकृत बोनस सेयर सम्बन्धित सेयरधनीको डिम्याट खातामा जम्मा भएपछि मात्र दोस्रो बजारमा खरिदबिक्री गर्न सक्नेछन् ।
