काठमाडौं । प्रतिनिधिसभा अन्तर्गतको सार्वजनिक लेखा समिति १०० उजुरी परेका छन् । तीमध्ये समितिले ४८ वटा उजुरीमा छलफल गर्ने भएको छ ।
मंगलबार बसेको समितिको बैठकले ४८ वटा उजुरीमा छलफल गर्ने निर्णय गरेको हो ।
समितिमा परेका उजुरीबारे अध्ययन गर्न नेपाली कांग्रेसका सांसद सञ्जय गौतम नेतृत्वमा उपसमिति गठन गरिएको थियो । उक्त उपसमितिले १०० मध्ये ४८ वटा उजुरीमाथि छलफल गर्नु उपयुक्त हुने निष्कर्ष निकालेको छ । सोही अनुसार ४८ उजुरीमा छलफल गरिने समितिका सभापति ऋषिकेश पोखरेलले जानकारी दिए ।
उनले समितिमा परेका उजुरीहरु आगामी चैत १५ गते टुंग्याउनुपर्ने उनले बताए । समितिमा उजुरी लामो समयसम्म राख्दा अप्ठ्यारो हुने उनले बताए ।
बुधबारदेखि नियमित २ घण्टा बैठक राखेर समितिमा परेकामध्ये ४८ उजुरीको टुंगो लगाउनुपर्ने उनको भनाइ छ ।
