काठमाडौं । नेपाल आयल निगमले पेट्रोलियम पदार्थको मूल्य समायोजन गरेको छ ।
निगमले शनिबार मध्यरातदेखि लागू हुने गरी पेट्रोलको मूल्यमा प्रतिलिटर ५ रुपैयाँ र डिजेल तथा मट्टितेलको मूल्यमा प्रतिलिटर ४ रुपैयाँले घटाएको हो ।
मूल्य घटेसँगै पहिलो, दोस्रो र तेस्रो वर्गमा पेट्रोल क्रमशः प्रतिलिटर १६० रुपैयाँ ५० पैसा, १६२ रुपैयाँ र १६३ रुपैयाँ तथा डिजेल÷मट्टितेल प्रतिलिटर १४८ रुपैयाँ ५० पैसा, १५० रुपैयाँ र १५१ रुपैयाँ कायम भएको छ ।
इण्डियन आयल कर्पोरेसशनबाट शनिबार प्राप्त नयाँ मूल्यसूचीअनुसार पेट्रोल तथा डिजेलको नयाँ खरिद मूल्य घटेर आएकाले स्थानीय बजारमा मूल्य समायोजन गरिएको हो ।
