काठमाडौं । चालू आर्थिक वर्षको पाँच महिनामा भन्सार राजस्व असुली लक्ष्यभन्दा करीब ४ प्रतिशतले कमी भएको छ । चालू वर्षको मंसिरसम्ममा १ खर्ब ५३ अर्ब २१ करोड ७७ लाख रुपैयाँ राजस्व असुली भएको हो । यो निर्धारित लक्ष्यभन्दा ५५अर्ब ५ करोड ७४ लाख रुपैयाँले कम हो । भन्सार विभागले मंसिरसम्ममा २ खर्ब ८ अर्ब २७ करोड ५२ लाख रुपैयाँ राजस्व संकलन गर्ने लक्ष्य राखेको थियो ।
गत आवको मंसिरसम्ममा १ खर्ब ५९ अर्ब ६ करोड ८५ लाख रुपैयाँ राजस्व असुल भएको थियो । यो चालू आवमा संकलन भएको राजस्वभन्दा ३.६८ प्रतिशतले बढी हो ।
चालू आवमा विभागले कुल ४ खर्ब ७३ अर्ब राजस्व संकलन गर्ने लक्ष्य राखेको छ । गत आवमा ४ सय १८ अर्ब राजस्व संकलन गर्ने लक्ष्य राखिएकोमा ३ सय ६५ अर्ब रुपैयाँ राजस्व संकलन भएको थियो । यो रकम कुल लक्ष्यको ८६.७७ प्रतिशत मात्र हो । चालू आवको पहिलो पाँच महिनाको राजस्व संकलनको अवस्था हेर्दा यस वर्ष पनि विभागले निर्धारित लक्ष्य भेट्टाउन कठिन हुने देखिन्छ ।
कुन नाकाबाट कति राजस्व असुल?
चालू आवमा मेची भन्सार नाकाबाट लक्ष्यको ७.४१ प्रतिशतले कम राजस्व संकलन भएको हो । सो अवधिमा ५ अर्ब ८१ करोड ३० लाख रुपैयाँ राजस्व संकलन गर्ने लक्ष्य रहेकोमा ३ अर्ब ८८ करोड १२ लाख रुपैयाँ राजस्व संकलन भएको हो । यो रकम कुल लक्ष्यको ६६.७७ प्रतिशत हो । सो अवधिमा लक्ष्यको १ अर्ब ९३ करोड १७ लाख रुपैयाँ कम राजस्व संकलन भएको हो । गत आवमा मंसिरमसम्ममा ४ अर्ब १९ करोड १९ लाख रुपैयाँ राजस्व संकलन भएको थियो ।
भूकम्प अगाडिका वर्षहरुमा सबैभन्दा धेरै राजस्व संकलन गर्ने भन्सार नाकाहरुमा पर्ने तातोपानी नाकाबाट चालू आवको ५ महिनामा सबैभन्दा कम राजस्व असुली भएको छ । तातोपानी भन्सारबाट लक्ष्यको २७.३४ प्रतिशत राजस्व संकलन भएको हो । मंसिर मसान्तसम्म तातोपानी नाकाबाट ५१ करोड ६७ लाख रुपैयाँ राजस्व संकलन भएको छ । सो नाकाबाट १ अर्ब ८८ करोड ९९ लाख रुपैयाँ राजस्व संकलनको लक्ष्य राखिएको थियो ।
विराटनगर भन्सारबाट चालू आवमा संकलन हुने राजस्वमा गत आवको तुलनामा १९.२७ प्रतिशतले कमी आएको छ । चालूआवमा मंसिरसम्ममा २१ अर्ब ७९ करोड ६८ लाख रुपैयाँ राजस्व संकलन गर्ने लक्ष्य राखिएकोमा १३ अर्ब २४ करोड २८ लाख रुपैयाँ राजस्व असुल भएको हो । सो अवधिमा लक्ष्यको ८ अर्ब ५५ करोड ३९ लाख रुपैयाँ कम राजस्व संकलन भएको भन्सार विभागले जनाएको छ ।
गत आवमा सो भन्सारबाट मंसिरसम्ममा १६ अर्ब ४० करोड ४७ लाख रुपैयाँ राजस्व संकलन भएको थियो ।
जलेश्वर भन्सारबाट मंसिर मसान्तसम्ममा लक्ष्यको ४४.९८ प्रतिशत कम राजस्व असुल भएको छ । सो अवधिमा ५० करोड ६२ लाख रुपैयाँ राजस्व संकलन भएको हो । सो भन्सारबाट कुल १ अर्ब ३९ करोड ६१ लाख रुपैयाँ राजस्व संकलन गर्ने लक्ष्य राखिएको थियो । चालूआवमा संकलन भएको रकम कुल लक्ष्यको ३६.२३ प्रतिशत मात्र हो । गत आवमा सोही अवधिमा ९२ करोड १ लाख ३९ हजार रुपैयाँ राजस्व संकलन भएको थियो ।
वीरगञ्ज भन्सारबाट मंसिरसम्ममा ५८ अर्ब ४७ करोड ८४ लाख रुपैयाँ राजस्व संकलन भएको छ । सो अवधिमा ८२ अर्ब ८१ करोड ४७ लाख रुपैयाँ राजस्व संकलन गर्ने लक्ष्य राखेको थियो । लक्ष्यको ७०.६१ प्रतिशत राजस्व संकलन भएको हो । सो अवधिमा लक्ष्यको २४ अर्ब ३३ करोड रुपैयाँ कम राजस्व संकलन भएको हो । गत वर्षको सोही अवधिमा ६५ अर्ब १६ करोड ९४ लाख रुपैयाँ राजस्व संकलन भएको थियो ।
सुख्खा बन्दरगहा भन्सारबाट ५ महिनामा १६ अर्ब ३६ करोड २७ लाख रुपैयाँ राजस्व संकलन भएको छ । यो रकम कुल लक्ष्यको ८८.९९ प्रतिशत हो । चालू वर्षको आवमा मंसिरसम्ममा कुल १८ अर्ब ३८ करोड ७३ लाख रुपैयाँ राजस्व संकलन गर्ने लक्ष्य राखिएको थियो । लक्ष्यको २ अर्ब २ करोड ४६ लाख रुपैयाँ कम राजस्व संकलन भएको हो । गत वर्षको सोही अवधिमा १३ अर्ब ५८ करोड ८६ लाख रुपैयाँ राजस्व संकलन गरेको थियो ।
भैरहवा भन्सारबाट ३६ अर्ब ७७ करोड ५१ लाख रुपैयाँ राजस्व संकलन भएको छ । सो भन्सारबाट मंसिरसम्ममा ४६ अर्ब ५४ करोड २६ लाख रुपैयाँ राजस्व संकलन गर्ने लक्ष्य रहेको थियो । जस मध्य संकलन भएको राजस्व ७९ प्रतिशत मात्र हो । सो अवधिमा ९ अर्ब ७६ करोड ७४ लाख रुपैयाँ कम राजस्व संकलन भएको हो । गत आवमा सो अवधिमा ३५ अर्ब ६९ करोड २६ लाख रुपैयाँ राजस्व संकलन भएको थियो ।
नेपालगञ्ज भन्सारबाट मंसिसम्ममा ४ अर्ब ७१ करोड २७ लाख रुपैयाँ राजस्व संकलन भएको छ । सो अवधिमा ६ अर्ब ७७ करोड ७७ लाख रुपैयाँ राजस्व संकलन गर्ने लक्ष्य राखेको थियो । संकलन भएको राजस्व लक्ष्यको ६९.७३ प्रतिशत हो । लक्ष्यको २ अर्ब ६ करोड ५० लाख रुपैयाँ कम राजस्व संकलन भएको हो । गत आवको मंसिरमसान्तसम्ममा ५ अर्ब ३ करोड १६ लाख रुपैयाँ राजस्व संकलन भएको थियो ।
तातोपानी भन्सारबाट सबैभन्दा कम राजस्व संकलन
नेपालबाट ३० वटाभन्दा बढी भन्सार नाकाबाट सामान आयात तथा निर्यात हुने गर्दछ । त्यसमध्ये १० वटा त्यस्ता भन्सार नाका छन् जहाँबाट धेरै जसो अयात निर्यातका क्रियाकलापहरु हुने गर्छन् । तातोपानी, मेची, विराटनगर, जलेश्वर, वीरगंज, सुख्खा बन्दरगाह, भैरहवा, नेपालगन्ज, मैलाली, त्रि.वि.स्थल लगायतका भन्सार नाकाबाट सबैभन्दा कम राजस्व संकलन भएको तथ्यांकले देखाएको छ ।
भूकम्प अगाडिका वर्षहरुमा सबैभन्दा धेरै राजस्व संकलन गर्ने भन्सार नाकाहरुमा पर्ने तातोपानी नाकाबाट चालू आवको ५ महिनामा सबैभ्न्दा कम राजस्व असुली भएको छ । तातोपानी भन्सारबाट लक्ष्यको २७.३४ प्रतिशत राजस्व संकलन भएको हो । मंसिर मसान्तसम्म तातोपानी नाकाबाट ५१ करोड ६७ लाख रुपैयाँ राजस्व संकलन भएको छ । सो नाकाबाट १ अर्ब ८८ करोड ९९ लाख रुपैयाँ राजस्व संकलनको लक्ष्य राखिएको थियो । लक्ष्यको १ अर्ब ३७ करोड ३१ लाख रुपैयाँ कम राजस्व संकलन भएको हो ।
यस्तै रसुवा भन्सार भने लक्ष्यभन्दा ३८ प्रतिशतले बढी राजस्व असुल भएको छ । चालूआवको ५ महिनामा सो भन्सार नाकाबाट ६ अर्ब ४७ करोड ५३ लाख रुपैयाँ राजस्व संकलन भएको हो । सो भन्सारबाट लक्ष्यभन्दा १ अर्ब ७९ करोड ६४ लाख रुपैयाँ बढी राजस्व संकलन भएको हो । चालूआवको मंसिरसम्ममा सो नाकाबाट ४ अर्ब ६७ करोड ८९ लाख रुपैयाँ राजस्व संकलन गर्ने लक्ष्य राखेको थियो । गत आवको मंसिर महिनासम्ममा ४ अर्ब ७४ करोड २० लाख रुपैयाँ राजस्व संकलन भएको थियो ।
