अमेरिकाले इरानी सेनाका जर्नेल सुलेमानीलाई ड्रोन आक्रमण गरेर मारेपछि दुई देशबीच तनाव शुरु भएको छ । यसैबीच बदला स्वरुप इरानले इराकस्थित अमेरिकी सेनाका टुकडीहरुमा मिसाइल आक्रमण गरिसकेको छ । त्यसैले अहिले इरान र अमेरिककी सैन्य शक्तिका बारेमा सर्वत्र चासो व्यक्त भइरहेको छ ।
त्यसैले हामीले यहाँ विश्वका ११ शक्तिशाली सेना र हतियार भएका मुलुकहरुको सूची यहाँ प्रस्तुत गरेका छौं । यो सूची ‘ग्लोबल फायरपावर एनुअल र्याङकिङ’का आधारमा बनाइएको हो ।
यो ‘र्याङकिङ’ले सेनासँग उपलब्ध हतियारको विविधता र सेनाको संख्यालाई महत्व दिएको छ । साथै, भूगोल, बन्दोबस्तीको सामानको उपलब्धता, उपलब्ध प्रकृतिक साधन स्रोतलगायत लाई विशेष महत्व दिइएको छ ।
र्याङकिङमा परमाणु हतियार भएकालाई बोनस अंक प्रदान गरिएको छ । भूपरिवेष्ठित देशहरुलाई जल सेना नभएका कारण अंक कतौटी गरिएको छैन । तर, जलसेना भएका र हातहतियारको सन्दर्भमा विविधता नभएकाहरुको अंक भने कतौटी गरिएको छ । नाटोका सदस्य राष्ट्रहरुले थप अंक पाएका छन्, साधन स्रोत बाँडीचुढि उपयोग गर्न सक्ने भएका कारण ।
राजनीतिक सैन्य नेतृत्वलाई महत्व दिइएको छैन । सैन्य शक्तिको हिसाबले सबैभन्दा उच्च अंक ०.०००० राखिएको छ । र, जुन सेना यो अंकको नजिक हुन्छ, त्यसलाई र्याङकिङमा माथिल्लो स्थान दिइएको छ ।
यो सूचीको अग्रस्थानमा अमेरिका रहेको छ । अमेरिकी सेनासँग २१ लाख ४१ हजारको सैन्यबल छ भने १३ हजार ३ सय ३८ वटा विमान छन् । यसैगरी लडाकु जहाज अमेरिकासँग २ हजार ३ सय ६२ वटा छ । अमेकिरी रक्षा बजेट ७ सय १६ अर्ब डलरको छ ।
अमेरिकासँग तनावको स्थितिमा रहेको इरान सूचीको १४ औं स्थानमा छ । ६.३ अर्ब डलरको रक्षा बजेट भएको इरानसँग ८ लाख ७३ हजार सेना छ । कुल ५ सय ९ विमान भएको इरानी सेनासँग १ सय ४२ वटा लडाकु जहाज छन् ।
-एजेन्सीको सहयोगमा
