काठमाडौं । माछापुच्छ्रे बैंक लिमिटेड कोष प्रवद्र्धक र माछापुच्छ्रे क्यापिटल लिमिटेड योजना व्यवस्थापक रहेको एमबीएल इक्विटी फण्डमा आवेदन खुलेको छ ।
क्यापिटलले आजदेखि प्रतिइकाई १० रुपैयाँ दरले १ अर्ब २० करोड रुपैयाँ बराबरको १२ करोड युनिट इक्विटी फण्ड बिक्रीमा ल्याएको हो ।
उक्त म्युचुअलफण्ड १२ वर्षे अवधिको बन्दमुखी योजना हो । इच्छुक लगानीकर्ताले नेपाल धितोपत्र बोर्डबाट सी आस्वा अनुमति प्राप्त बैंक तथा वित्तीय संस्था, तिनका शाखा कार्यालयहरुका साथै मरोसेयर मार्फत अनलाइन आवेदन दिन सक्नेछन् ।
लगानीकर्ताले न्यूनतम १०० कित्तादेखि अधिकतम १ करोड २० लाख कित्ताका लागि आवेदन दिन सक्नेछन् ।
उक्त बन्दमुखी योजनामा फागुन २६ गतेसम्म आवेदन दिन पाइने छ । सो अवधिमा सबै इकाई बिक्री नभएमा ढिलोमा चैत ७ गतेसम्म आवेदन दिन पाइने छ । बन्दमुखी यस योजना दोस्रो बजारमा सूचीकृत भइ करोबारमा आउनेछ ।
