काठमाडौं । काठमाडौंको थापाथलीमा सडक मुनिको मेलम्चीको खानेपानीको पाइप फुटेपछि सडक अवरुद्ध भएको छ ।
मंगलबार बिहान थापाथली चोकबाट नर्भिक इन्टरनेशनल अस्पताल जाने सडकमा पाइपको लाइन फुटेको हो ।
पाइप फुटेर बाढी आएपछि त्यस क्षेत्र डुबानमा परेको छ भने सकड अवरुद्ध भएको छ । के कारणले पाइप फुटेको हो भन्ने खुलेको छैन ।
यसअघि पनि बबरमहलमा सर्भिस लेनमा खानेपानीको पाइप फुट्दा त्यस क्षेत्रका सरकारी कार्यालयहरू डुबानमा परेका थिए ।
