काठमाडौं । नेपाल स्टक एक्सचेन्ज (नेप्से)मा सूचीकृत दुई बीमा कम्पनीको लाभांश पाउन सेयर किन्ने आज अन्तिम दिन रहेको छ ।
आइएमई लाइफ इन्स्योरेन्स र हिमालयन एभरेष्ट इन्स्योरेन्सले गत आर्थिक वर्षको नाफाबाट घोषणा गरेको लाभांश सुरक्षित गर्ने आज अन्तिम दिन हो ।
दुवै कम्पनीले साधारण सभा तथा लाभांश प्रयोजनका लागि फागुन १५ गते बुकक्लोज तोकेका छन् । भोलि महाशिवरात्रिका कारण सार्वजनिक बिदा रहेकाले आजसम्म सेयर किन्नेले सेयरधनीले मात्र प्रस्तावित लाभांश पाउने छन् ।
आइएमई लाइफले गत वर्षको नाफाबाट करसहित २१.०५ प्रतिशत नगद लाभांश घोषणा गरेको छ । उक्त लाभांश पारित गर्न आइएमईले फागुन २५ गते दियो महल, धुम्बाराही, काठमाडौँमा ८ औँ वार्षिक साधारण सभा बोलाएको छ। सो सभा बिहान ११ बजे सुरु हुनेछ।
त्यस्तै, हिमालयन एभरेष्टले गत वर्षको नाफाबाट ८.७५ प्रतिशतका नगद लाभांश (करसहित) घोषणा गरेको छ । उक्त लाभांश पारित गर्न हिमालयनले फागुन २७ गते अनमोल ब्याङ्केट, शंखमूल, काठमाडौँमा ३१ औँ वार्षिक साधारण सभा बोलाएको छ। कम्पनीको सभा बिहान ११ बजे सुरु हुनेछ।
