काठमाडौं । अपर हेवाखोला हाइड्रोपावर कम्पनी लिमिटेडले शतप्रतिशत हकप्रद सेयर जारी गर्ने भएको छ ।
कम्पनी सञ्चालक समितिको फागुन ७ गते बसेको बैठकले हाल कायम चुक्ता पूँजीको १०० प्रतिशत हकप्रद सेयर जारी गर्ने निर्णय गरेको हो ।
कम्पनीले १५ मेगावाटको सिसुवा खोला जलविद्युत् आयोजनामा लगानी गर्न र अपर हेवा खोला आयोजना बनाउँदा बैंकबाट लिएको ऋण तिर्न हकप्रद जारी गर्न लागेको हो ।
हाल ५० करोड रुपैयाँ चुक्ता पूँजी रहेको कम्पनीको हकप्रद निष्काशनपछि १ अर्ब रुपैयाँ पुग्नेछ ।
