काठमाडौं । स्वरोजगार लघुवित्त वित्तीय संस्था लिमिटेडले थप सार्वजनिक निष्कासन (एफपीओ) जारी गर्न अनुमति पाएको छ ।
लघुवित्तलाई नेपाल धितोपत्र बोर्डले एफपीओ जारी गर्न माघ २७ गते अनुमति दिएको हो ।
लघुवित्तले प्रतिकित्ता १०० रुपैयाँ दरले १ करोड ९५ लाख ७७ हजार ३०० रुपैयाँ बराबरको १ लाख ९५ हजार ७७३ कित्ता एफपीओ जारी गर्ने अनुमति पाएको हो ।
लघुवित्तले सर्वसाधरण र संस्थापकको सेयर हिस्सा मिलाउन एफपीओ जारी गर्न लागेको हो ।
लघुवित्तको एफपीओ बिक्री प्रबन्धक एनएमबि क्यापिटल लिमिटेड रहेको छ ।
