काठमाडौं । सानिमा बैंक पोखरा, न्यूरोड शाखाले बैंकको सामाजिक संस्थागत उत्तरदायित्व अन्तर्गत पोखारामा रहेको हिमालय आँखा हस्पिटललाई वाटर प्यूरीफिकेशन मेसिन प्रदान गरेको छ ।
उक्त मेसिन शनिबार सानिमा बैंकका प्रमुख कार्यकारी अधिकृत भुवनकुमार दाहालले हस्पिटलका प्रमुख मेडिकल डाइरेक्टर डा. इन्द्रमान महर्जनलाई हस्तानतरण गरे ।
प्रमुख अधिकृत दाहालले बैंकले आगामी दिनहरुमा पनि थप आवश्यक सहयोगहरु उपलब्ध गर्दै जाने बताए । त्यसैगरी हस्पिटलका प्रमुख महर्जनले सानिमा बैंकको सहयोग प्रति हार्दिक आभार व्यक्त गरे ।
सानिमा बैंकले हाल देशभरका ७९ वटा शाखा, १ एक्सटेन्सन काउन्टर तथा ७८ वटा एटीएमबाट बैंकिङ सेवा प्रदान गर्दै आएको छ ।
