काठमाडौं । सेयर बजारमा गिरावट आएको छ । लगातार ५९ अंकको गिरावट पछि बुधबार झण्डै २ अंकले बढेको नेप्सेमा आज फेरि गिरावट आएको हो ।
बिहीबार नेप्से परिसूचक ७.३३ अंकले घटेर २५८८.६२ बिन्दुमा आइपुगेको छ । सूचकमा गिरावट आए पनि आज कारोबार रकम भने बढेको छ । अघिल्लो दिनको तुलनामा कारोबार रकम ११ करोड रुपैयाँले बढेर ५ अर्ब ९३ करोड रुपैयाँ पुगेको छ ।
कारोबारमा आएका १३ वटा समूहमध्ये ५ समूहको परिसूचक बढेको छ भने ८ को घटेको छ । व्यापार समूहको परिसूचक सर्वाधिक २.०३ प्रतिशतले बढेको छ भने फाइनान्स ५.१९ प्रतिशतले घटेको छ ।
आज सिन्धु विकास बैंकको सर्वाधिक २८ करोड ५७ लाख रुपैयाँ बराबरको सेयर किनबेच भएको छ । त्यस्तै, एनआरएन इन्फ्रास्ट्रक्चरको २१ करोड १८ लाख रुपैयाँको कारोबार भएको छ ।
आज कारोबारमा आएका मध्ये ८८ कम्पनीको सेयर मूल्य बढेको छ भने १५२ कम्पनीको मूल्य घटेको छ ।
घट्दो बजारमा पनि आज ४ कम्पनीको सेयर मूल्यमा पोजेटिभ सर्किट लागेको छ । बोटलर्स नेपाल, विन नेपाल लघुवित्त, मन्दाकिनी हाइड्रोपाव र अपर हेवाखोला हाइड्रोपावरको सेयर मूल्य १० प्रतिशतले बढेको छ ।
आज पोखराका फाइनान्सका सेयरधनीले भने ठ्याक्कै १० प्रतिशत गुमाएका छन् ।
