काठमाडौं । नेपाल स्टक एक्सचेन्ज (नेप्से)मा थप दुई कम्पनीको बोनस सेयर सूचीकृत भएको छ ।
नेप्सेमा बुधबार सिटिजन्स बैंक इन्टरनेशनल र हाथवे इन्भेष्टमेन्टले गत वर्षको नाफाबाट वितरण गरेको बोनस सेयर सूचीकृत भएको हो ।
नेप्सेमा सिटिजन्स बैंकको ४ प्रतिशत (५६ लाख ८० हजार ३८९ कित्ता) र हाथवे इन्भेष्टमेन्टको १० प्रतिशत (२५ लाख ७४ हजार कित्ता) बोनस सेयर सूचीकृत भएको हो ।
दुवै कम्पनीको सूचीकृत बोनस सेयर सम्बन्धित सेयरधनीको डिम्याट खातामा जम्मा भएपछि मात्र दोस्रो बजारमा खरिदबिक्री गर्न सक्नेछन् ।
