काठमाडौं । धितोपत्र कारोबार राफसाफ कम्पनी सीडीएस एण्ड क्लियरिङको प्रमुख कार्यकारी अधिकृत (सीईओ)मा प्रविन पन्दाक नियुक्त भएकी छन् ।
सीडीएससीको आइतबार बसेको सञ्चालक समिति बैठकले पन्दाकलाई सीईओमा नियुक्त गर्ने निर्णय गरेको हो ।
उनको कार्यकाल ४ वर्षको रहने छ । उनी यसअघि सीडीएससीकै सञ्चालक सदस्य थिइन् । उनले शंकरदेव क्याम्पसबाट एमबीएस र नेपाल ल क्याम्पसबाट स्नातकोत्तर (एलएलएम) गरेकी छन् ।
यसअघिका सीईओ पूर्णप्रसाद आचार्यको कार्यकाल तीन महिनाअघि सकिएपछि सीडीएससी प्रमुख कार्यकारीविहीन रहँदै आएको थियो । आचार्यले गत भदौ ७ गते राजीनामा दिएका थिए ।
