काठमाडौं । सेयर बजारमा सामान्य अंको वृद्धि भएको छ । दिनभरमा ३० अंकको उतरचढाव आएको नेप्सेमा अन्त्यमा ४ अंकले बढेर बन्द भएको हो ।
बिहीबार नेप्से परिसूचक ४.१९ अंकले बढेर २६३०.७१ बिन्दुमा पुगेको छ । सूचकसँगै आज कारोबार रकममा पनि सुधार आएको छ । अघिल्लो दिनको तुलनामा कारोबार रकम १३ करोड रुपैयाँले बढेर ५ अर्ब ३३ करोड रुपैयाँ पुगेको छ ।
कारोबारमा आएका १३ वटा समूहमध्ये ४ समूहको परिसूचक बढेको छ भने ९ को घटेको छ । व्यापार समूहको परिसूचक सर्वाधिक २.३१ प्रतिशतले बढेको छ भने फाइनान्स समूहको २.७० प्रतिशतले घटेको छ ।
आज प्रभु बैंकको ५० अर्ब ७७ करोड रुपैयाँको सेयर किनबेच भएको छ । त्यस्तै, जानकी फाइनान्सको २२ करोड ३९ लाख रुपैयाँको कारोबार भएको छ ।
आज कारोबारमा आएका मध्ये ७० कम्पनीको सेयर मूल्य बढेको छ भने १६३ कम्पनीको मूल्य घटेको छ ।
बढ्दो बजारमा आज दुई कम्पनीको सेयर मूल्यमा पोजेटिभ सर्किट लागेको छ । आत्मनिर्भर लघुवित्त र सपोर्ट माइक्रोफाइनान्सको सेयर मूल्य ठ्याक्कै १० प्रतिशतले बढेको छ ।
आज ४ कम्पनीको सेयर मूल्यमा नेगेटिभ सर्किट लागेको छ । कर्पोरेट डेभलपमेन्ट बैंक, नारायणी विकास बैंक, सिन्धु विकास बैंक् र जोशी हाइड्रोपावरका सेयरधनीले १० प्रतिशत गुमाएका छन् ।
