काठमाडौं । सेयर बजारमा दोहोरो अंकको गिरावट आएको छ । गत साता ८३ अंकले घटेको नेप्सेले यस साता पनि ओरालो यात्रा कायमै राखेको हो ।
आइतबार नेप्से परिसूचक १३.५३ अंकले घटेर २५८३.२९ बिन्दुमा आइपुगेको छ । आज ३१९ कम्पनीकाे ४ अर्ब ५१ करोड रुपैयाँ बढीको ९१ लाख ८० हजार ७१८ कित्ता सेयर किनबेच भएको छ ।
कारोबारमा आएका १३ वटा समूहमध्ये हाइड्रोपावर र उत्पादनमूलक बाहेक अरु सबै समूहको परिसूचक घटेको छ । उत्पादनमूलक समूहको परिसूचक सर्वाधिक १.५७ प्रतिशतले बढेको छ भने विकास बैंक समूह २.०५ प्रतिशतले घटेको छ ।
आज रिभर फल्स पावरको सर्वाधिक २२ करोड ३ लाख रुपैयाँको सेयर किनबेच भएको छ । त्यस्तै, जानकी फाइनान्सको झण्डै १३ करोड रुपैयाँको कारोबार भएको छ ।
आज कारोबारमा आएका मध्ये ८४ कम्पनीको सेयर मूल्य बढेको छ भने १५४ कम्पनीको मूल्य घटेको छ ।
घट्दो बजारमा पनि आज ४ कम्पनीको सेयर मूल्यमा पोजेटिभ सर्किट लागेको छ । सपोर्ट माइक्रोफाइनान्स, बाराही हाइड्रोपावर, न्यादी हाइड्रोपावर र सुपर मादी हाइड्रोपावरका सेयरधनीले १० प्रतिश कमाएका छन् ।
आज सप्तकोशी डेभलपमेन्ट बैंकका सेयरधनीले भने सर्वाधिक ६.४ प्रतिशत गुमाएका छन् ।
