काठमाडौं । नेपाल वायुसेवा निगमको हङकङबाट काठमाडौं आएको जहाजमा अचेत भेटिएका एक व्यक्तिको मृत्यु भएको छ ।
निगमको आरए ४०१ उडानमार्फत् हङकङबाट काठमाडौं आउने क्रममा जहाजभित्रै अचेत ताप्लेजुङका देउमान लिम्बुको केएमसी अस्पतालमा मृत्यु भएको हो ।
जहाज अवतरणपछि अचेत रहेका उनलाई उपचारका लागि काठमाडौं मेडिकल कलेज (केएमसी) लगिएको थियो । लगत्तै अस्पतालले उनलाई मृत घोषणा गरेको जनाइएको छ ।
