काठमाडौं । सेयर बजारमा सामान्य अंकको गिरावट आएको छ । सोमबार एकैदिन ५१ अंकले घटेर मंगलबार ३ अंकले बढेको नेप्से आज फेरि ५ अंकले घटेको हो ।
आज नेप्से परिसूचक ५.६० अंकले घटेर २६२८.२६ बिन्दुमा आइपुगेको छ । सूचकमा सुधार आए पनि कारोबार रकममा भने गिरावट आएको छ । अघिल्लो दिनको तुलनामा कारोबार रकम ७ करोडले घटेर ४ अर्ब २७ करोड रुपैयाँमा सीमित भएको छ ।
कारोबारमा आएका १३ वटा समूहमध्ये ३ वटाको परिसूचक बढेको छ भने १० वटाको घटेको छ । फाइनान्स समूहको परिसूचक सर्वाधिक १.०७ प्रतिशतले बढेको छ भने अन्य समूहको ०.३७ प्रतिशतले घटेको छ ।
आज जानकी फाइनान्सको सर्वाधिक १५ करोड ५९ लाख रुपैयाँको सेयर किनबेच भएको छ । त्यस्तै, रिभर फल्स पावरको १२ करोड रुपैयाँको कारोबार भएको छ ।
आज कारोबारमा आएका मध्ये ८१ कम्पनीको सेयर मूल्य बढेको छ भने १४९ कम्पनीको मूल्य घटेको छ ।
घट्दो बजारमा पनि आज दुई लघुवित्तको सेयर मूल्यमा पोजेटिभ सर्किट लागेको छ । उपकार लघुवित्त र सपोर्ट माइक्रोफाइनान्सका सेयरधनीले ठ्याक्कै १० प्रतिश कमाएका छन् ।
आज कुथेली बुखरी स्मल हाइड्रोपावरका सेयरधनीले भने सर्वाधिक ९.९० प्रतिशत गुमाएका छन् ।
