काठमाडौं । त्रिभुवन अन्तर्राष्ट्रिय विमानस्थल आधा घण्टाका लागि बन्द गरिएको छ ।
चीन भ्रमणबाट प्रधानमन्त्री केपी शर्मा ओली फर्कने भएकाले आधा घण्टाका लागि विमानस्थल बन्द गरिएको हो । प्रधानमन्त्री ओली दिउँसो २:३० बजे काठमाडौं आइपुग्ने कार्यतालिका रहेको छ ।
प्रधानमन्त्री चढेको विमान अवतरण हुनुअघि २५ मिनेट र अवतरण भएपछि ५ मिनेट गरी आधा घण्टा विमानस्थलमा अन्य उडान–अवतरण रोकिएको हो ।
प्रधानमन्त्री ओली यही मंसिर १७ गते चारदिने चीन भ्रमणमा गएका थिए ।
