काठमाडौं । बीच सडकमै कन्टेनर पल्टिँदा पूर्व-पश्चिम राजमार्ग अवरूद्ध भएको छ।
बिहीबार बिहान सवा १० बजेतिर वीरगञ्जबाट काठमाडौं आउँदै गरेको प्र.२-०३-००१ ख ६७३८ नम्बरको कन्टेनर हेटौंडा उपमहानगरपालिका–१५ चुरियामाईस्थित पूर्व–पश्चिम राजमार्गमा पल्टिँदा सडक अवरुद्ध भएको हो ।
दुर्घटनामा मकवानपुर मनहरी गाउँपालिका ६ बस्ने कन्टेनर चालक महेश मोक्तान घाइते भएका छन् । उनको दाहिने हातमा चोट लागेको छ।
दुर्घटनाको कारण खुलेको छैन । सडकमा पल्टिएको कन्टेनर हटाइ सडक खुलाउने प्रयास भइरहेको प्रहरीले जनाएको छ।
